探華仔派利是

劉德華（華仔）喺過年前於泰國拍廣告墮馬受傷，其後一直留喺養和醫院接受治療至今，唔少朋友都非常擔心。與華仔同屬昔日大台「五虎」之一嘅苗僑偉，噚日就去咗探華仔。現場有十多名傳媒守候，苗僑偉逗留一個鐘左右，就同老婆離開，苗僑偉話：「都係傾吓啲傷勢，佢冇痛！今日睇佢精神咗好多！」佢仲話今次嚟主要係派利是畀華仔。

苗僑偉同老婆逗留一個鐘左右離開。