同G.E.M.同場演出

已經同丁文琪結婚嘅台灣歌手林宥嘉，日前到深圳參與音樂會，點知正好同舊愛G.E.M.同場！主辦單位為免兩人尷尬，就巧妙安排佢哋喺唔同時間現身。其後，林宥嘉喺微博貼出一張自己瞓喺梳化嘅相，而葛優就喺佢旁邊蹺埋雙手，林宥嘉鬼馬留言：「這次誰還能說我不標準，正宗一對一教學！謝謝葛大爺。」

林宥嘉喺微博貼出一張自己瞓喺梳化嘅相。

事實上，當年林宥嘉同G.E.M.拍拖時勁Sweet，點知分手後就即刻反目成仇，而林宥嘉曾經喺社交網數臭G.E.M.，當然女方亦有公開還擊，絕對可以話係歡喜冤家。當晚，G.E.M.就特別穿上一條勁性感嘅露背長裙表演，不過G.E.M.演出時林宥嘉就正喺後台做訪問，所以佢哋兩個人應該無見到對方。

G.E.M.特別穿上一條勁性感嘅露背長裙表演。