承認男友已求婚

熊黛林（Lynn）同郭可盈細佬郭可頌拍拖一年幾，兩人近嚟愈愛愈高調，去年聖誕節Lynn仲同男朋友一家去旅行，疑似好事近！前晚，Lynn出席公司春茗晚宴時，被發現左手中指戴住約三卡巨型鑽戒，佢仲大方承認係男朋友送畀佢嘅求婚戒指。Lynn話：「係呀！兩、三個月前嘅事，冇諗過去特別公布，大家問到就開心分享。」

心情大好嘅熊黛林借同事嘅「冬菇頭」假髮嚟戴，非常搞鬼。

Lynn話男朋友為人簡單，所以求婚都好簡單，只係得鮮花同戒指。佢話：「佢（郭可頌）好孝順，係一個好有計劃嘅人，仲好有誠意，努力改變，唔係空口講大話嘅人。」問到幾時會舉行婚禮？Lynn就話而家拍攝緊新戲，會以工作為先，稍後再籌備婚禮，因此婚禮可能會喺今年年尾或明年舉行，佢仲講到明婚後一定會生小朋友