出戰《歌手5》

早前，內地湖南衛視歌唱比賽節目《我是歌手5》，將節目名改為《歌手》，當時盛傳50歲嘅樂壇天后林憶蓮將參與比賽，同一眾歌手一較高下。噚日，湖南衛視官方微博宣布節目將於本月21日首播，並確認林憶蓮出戰比賽，仲叫網民估下佢會唱咩歌曲。不過，除咗林憶蓮之外，節目組未有公布其他歌手嘅名單，所以未知陣容有幾華麗。

林憶蓮落實出戰《歌手》，網民都好期待佢帶嚟精彩表演。