加碼互窒

周星馳同徐克聯手打造，內地人氣男星吳亦凡、林更新等主演嘅新戲《西遊．伏妖篇》最新預告片曝光。繼喺早前嘅預告片中互扯貓尾後，兩大導演今次繼續加碼互窒，徐克堅稱新戲冇特技鏡頭，仲好似「唐三藏」上身咁，不停叫周星馳「飲少啲」、「蒲少啲」、「成熟啲」，搞到對方無晒符。此外，電影公司又公開新戲嘅漫畫海報，海報中周星馳同徐克化身武林高手喺擂台上對打。

周星馳同徐克喺預告片中繼續加碼互窒。