阮經天為舊愛同經理人反目

去年3月，台灣男星阮經天疑背住女友許瑋寧偷食，導致兩人八年情玩完。自從同許瑋寧分手後，阮經天一直想搵機會箍煲，搞到無心工作。阮經天好友兼經理人阿濬睇唔過眼，勸佢先搞掂工作再諗感情事，結果激嬲阮經天對佢拳腳相向，搞到好兄弟反目。阿濬一氣之下決定離開阮經天，但否認被打，佢解釋：「想從事電影幕後製作工作才會離開。」

阮經天（右）為咗舊愛，搞到同經理人兼老友阿濬（左）反目。