著貴氣裙褂出嫁

噚日，46歲性感「女神」鍾麗緹，同細12歲嘅內地男星張倫碩，喺北京舉行婚禮。一早新郎就率領兄弟團前往酒店迎親，氣勢十足。據了解，一對新人嘅裙褂、禮服來頭唔少，全部採用世界非物質文化遺產蘇繡工藝、耗時2,200小時打造，非常名貴。喺婚禮上，鍾麗緹嘅三名女兒亦著住紅色中式禮服陪媽媽出嫁，最後仲同雙方父母，一眾兄弟、姊妹團影大合照，非常高興。

鍾麗緹同張倫碩喺北京舉行盛大婚禮。