出超跑拍廣告

郭富城（城城）現身香港尖沙咀出席公開活動，佢話最近忙緊拍攝韓國綜藝節目，仲話喺節目中可以實現成為飛機師嘅夢想。講到有傳佢出動私伙林寶堅尼跑車拍廣告，城城承認確有其事，佢話：「部車係我舊年送畀自己嘅生日禮物，都有啲唔捨得。但部車同廣告嘅主題好配合，所以我決定喺廣告入面畀大家欣賞呢部車。」

郭富城承認出動私伙林寶堅尼跑車拍攝廣告。