尊尼特普尊重女兒出櫃

荷里活巨星尊尼特普(Johnny Depp)同法國女演員Vanessa Paradis所生嘅女兒Lily-Rose 已經16 歲， 而且仲有意加入娛樂圈發展，並接拍多部電影。早前，Lily-Rose公開承認「出櫃」，而作為爸爸嘅尊尼特普就被問到對呢件事嘅睇法，尊尼特普話：「我很早就知道了，我會無條件支持和尊重女兒。」佢仲話同女兒關係親密，幾乎無所不談。

尊尼特普話一早已經知道女兒性取向。 

現年16 歲嘅Lily-Rose，早前公開表示完全冇諗過同異性拍拖，間接承認自己係同性戀，而最令網民感到興趣嘅，係佢爸爸尊尼特普原來一早已經知道女兒嘅性取向，而且會尊重同埋支持Lily-Rose，流露出慈父嘅一面。尊尼特普解釋，女兒應該為自己嘅將來作出決定，而作為父母唯一能做嘅，就係支持佢。此外，尊尼特普話女兒嘅成長速度好快，唔經唔覺已經咁大個女，睇嚟尊尼特普都有啲感慨喎!

尊尼特普大讚女兒機警敏銳，係佢見過最聰明嘅人之一。