低調探霆鋒班

天后王菲2014年同謝霆鋒「世紀復合」後，大女竇靖童（童童）曾公開話過唔反對媽媽同霆鋒嘅戀情。日前，霆鋒喺北京錄影《十二道鋒味》，有內地媒體就拍到童童去到現場探班。兩人一見面就攬到實一實，之後就一邊煲煙一邊傾計。其實，早前童童就已約埋霆鋒一齊睇陳奕迅喺北京嘅個唱，兩人關係咁好，相信最開心嗰個應該係王菲。

竇靖童被拍低調探謝霆鋒班，兩人關係十分要好。