望做影壇新人

由許志安、文詠珊、林家棟主演嘅懸疑片《兇手還未睡》，將於下月21日正式上映。日前，一班演員盛裝新戲試映會。雖然演過無數次壞人，但林家棟自言今次嘅自己「壞出新高度」。而相隔五年復出大銀幕嘅許志安就話想做影壇新人，佢仲話：「演出犯罪題材嘅電影對我嚟講係一大考驗，我會喺片中追求自然嘅演出。」

許志安相隔五年復出大銀幕，喺新戲中飾演天才數學家。