同王菲摸酒杯底

劉嘉玲不嬲都好識得享受人生，日前佢趁住假期把握時機，先一個人去行山享受美景，之後再約老友王菲一齊飲兩杯。劉嘉玲於微博貼出同王菲摸住酒杯底嘅合照，佢發文話：「懂兩種語言就懂兩種文化，懂得喝酒就懂兩種人生。」由於王菲已超過一年冇更新微博，唔少粉絲見到都多謝劉嘉玲貼相。

劉家玲同王菲相聚，兩人獲網民大讚氣質無人能敵。