六位數搞婚禮

陳柏宇將於下月2日同符曉薇正式拉埋天窗，佢透露婚禮籌備工作埋尾中，婚後會放假去度蜜月，但現時仲未決定地點：「原本諗住去夏威夷，點知坐商務要三萬幾，我哋覺得慳得就慳，搵緊啲可能係五千幾蚊機票搞掂嘅地方。」講到婚禮使費，陳柏宇話用咗六位數字：「女友對婚禮某啲傳統要求要做足，我就冇乜所謂，諗到日後生B要搬屋開支好大，都想慳啲。」

陳柏宇連日嚟不斷公開婚紗照放閃。